Tag: Kithaitho kya Mwatu

Yila Ngai wenda kwambiia kukikwa kindu kiseo thayuni waku, nolasima akwisilye nthini wa mutiani.

Ithyi ta aklisto, ve vata wa kwithukiisya wasya wa Ngai kwa kutambania nake ona kethiwa maundu mailye ata ngelekanio nzeo ni Avalaamu ula weeteelile ivinda yiasa muno ayisa kuathimwa na mwana ateukwa ngoo.

Umunthi muklisto mwendwa, ona kethiwa wisilite maunduni momu ata, eka kwikala utaataite maunduni indi sakua na uyithiwa na woni oundu umwe na kieleelo kya kuatiia na kuungama na Ngai eweka nundu niwe mwene utonyi wonthe na ndaalyukaa.

Kwoou ikiia, mwikwatye, tumusisye Ngai eweka nikana tuvikie nautetheka thayuni, Amen.

Mwambiliilyoni Ngai ayumba nthi, niwoombie kiima kila kyai ngelelanio ya ikanisa kana ikomanio vala wakomaniaa na mundu.

Ota uu, kwi umunthi, ve vata wa kwithiwa tuithi kiimani/kanisani wa Yeova nundu;

1. Vaa nivo utuseuviitye liu/mboka nzeo ya Mwiai
2. Akavetanga ngua ya kyeva ila ivwikite andu ma mbai syonthe
3. Kiimani kya Yeova tukavetangiwa suka ula uvwikite useo wa Yeova
4. Ngai akamina kikw’u kya kiveva na uyusuwa ni vinya wa Mwiai
5. Akavangula andu make methoi onthe kumana kiio kyaku
6. Akavetanga kivuthya nundu utethyo waku umaa kwake na uu no kwa vinya wa mboya

Kwa kwika ou woonthe, mavinda onthe sakua kwikala kiimani na kuvoya tumweteele Ngai nikana atutangiie.

Ngai ti mundu undu utonya kuneena uvungu na kwoou kila Ngai waneena nikyo kivikiiyaa na kwiania.

Umunthi mavinda maingi nituvikiite kulea kukwata uathimo wa Ngai nundu wa kulea kuikiia otondu Elisa waminie kwathana useo kuuya nthi ya Samalia itina wa nzaa ya ivinda yiasa indi andu meethiwa na makana.

Ngai wamina kuneena kwisila athukumini make, ve vata wa kwithukiisya nundu Ngai niwianiiasya ndeto yake. Mwithukiisya ndukatate kwona Ngai tawakuekie unyamae mavinda onthe indi kwa kuikiia, ena utonyi wa kwianiisya mavata maitu vate kisii.

Kwoou Muklisto, osa itambya na uyukila na Ngai nutambukiitye kwoko kwake akwose na kuuthokya usumbini wake vala ve thayu wa tene na tene, Amen.

Yesu niwe muithi ula museo nundu; Nutunengete thayu tene na tene, Ala mamuikiiyaa Yesu methiawa na thayu utathela, Nutunengae wendeesyo wake, Nutunengete muuo, Nutwitikiiasya mauta ma utanu,Nutunengae mumo wake utakwailite, Nutuithasya na syindu nzeo sya kiveva.

Uyikala nthi ino, ve vandu vavikaa mundu akethiwa ndesi vala ui kumana na maundu momu(kuthuiwa ni sua).

Indi ona uu wiovo, manya kana, Ngai nusenzasya maundu na akakumya mawisiloni yila waatiia maundu aa;Ukilya metho maku umusisye Yeova nake ena usungio, Ndukaeke kuota ona kethiwa maundu mailye ata, Manya kana mwiso waku niw’o mwambiliilyo wa Ngai, Ithiwa wi mundu wa kithembeo nundu nikyo kineenaa thayuni wa mundu na kuete maualyuku, Ithiwa wi mundu wa kumya nthembo nundu nikiitaa ngoo ya Ngai ula niwe mwene tei na muthya lilikana mwathani waku nundu ethiawa na kianda kinene mboyani na nuneenaa uathimo.

Ngai ayumba mundu aina useo nake.

Kwa kitumini kiu niwamumbiie muunda wa Eteni ula wai matunda ma kila muthemba ula wai kati wa mbusi ili ula ne wonanio wa thayu museo.

Itina mundu niwavitiisye Ngai na avikiia kulungwa ula muundani na vau uthu kati wa andu walika.

Ota ou, misyi mingi matukuni aa niyumite nziani ntheu sya Ngai na nivo indi ukwona mathina maingi matwikumbilite.

Kwoou, no kwa nzia ya mboya na umbulo vala tutonya kusyokeania ingi na Ngai nikana mathayu maitu makaile na kwithiwa na thayu wa tene na tene.

Klisto niwakw’ie kwondu wa nai situ ngelany’oni nundu wa wendo ula Ngai watwendete naw’o.

Kwi umunthi itina wa Yesu Klisto kutukw’iia ngelany’oni, yu nokwisila umbuloni wa nai vala tutonya kutwikithwa alungalu.

Kwa kitumini kiu, vena miao ila yalanitwe no kwondu wa kuatiia momanyisyo ma Ngai, ona uu wiovo mavinda kwa mavinda nituvitasya indi kwa nzia ya umbulo, Ngai nuvikiiyaa kutuekea na aitumya uthatyoni na tuyithiwa twina muamba nake ingi nundu wa wendo ula wai naw’o kwitu.

1st Samuel 1:11

Elikana aina iveti ili, Venina na Ana.

Mayikalania, Venina aina syana indi Ana ndainasyo.

Ana niwalikilwe ni kiio nundu wa kuumangwa ni Venina indi aendeea kuvoya na kuikiia Ngai na muthya Ngai esa kumulilikana na amuthaima ma mwana ula wesie kutwika muthembi na wakili kwa isyitwa Samueli.

Ota thayu uu tukwikala umunthi, niw’o ve andu mena veva wa Venina ala mauvuthasya na kukuumanga nundu wa kwaiwa kana kukosa syindu indi ndukauuye nundu Ngai ula uvoyaa kwa uw’o na veva nukuthi kuulilikana na kukwikia kyama.

Yila wavitiwa ni mundu, ve vata wa kumuekea nundu uu niw’o maandiko matheu mekwasya nokana kwianiisya mwiao munene wa wendo.

Nokana tuvikiie kukwata thayu wa tene na tene, nonginya umye utwio wa kuekea kuma kiindini kya ngoo yaku nundu ii no yo nzia ya usyokeanio na kuete muuo wa ngoo ula niwonanio wa kwithiwa twi muamba na Ngai Asa.

Mawendi aa ni vamwe na;

1.Nai ya ulaalai

2. Nai ya uthaithi

3.Nai ya undu twikanaa

4.Nai ya mikalile

Nai ii nisyo siutusiiya kulika usumbini wa Ngai na nokana twisiiane nasyo twailite niukinya tutongoew’e ni veva mutheu.

Galatians 5:16 Indi usyao wa veva ni wendo, utanu, muuo, wumiisyo, kwika angi nesa, useo, kukiiwa, uu na witing’o.